ఢిల్లీ రణరంగం.. టియర్ గ్యాస్, లాఠీచార్జ్తో దద్దరిల్లిన రాజధాని
Delhi Chalo Sansad Protest దేశవ్యాప్తంగా సంచలనంగా మారింది. దేశ రాజధాని ఢిల్లీ సోమవారం యుద్ధ వాతావరణాన్ని తలపించింది. పార్లమెంట్ వైపుచేపట్టిన చలో సంసద్ ర్యాలీ ఉద్రిక్తంగా మారడంతో పోలీసులు టియర్ గ్యాస్ ప్రయోగించడంతో పాటు లాఠీచార్జ్ చేశారు. జంతర్మంతర్, పార్లమెంట్ స్ట్రీట్, శాస్త్రి భవన్ పరిసరాలు ఉదయం నుంచే ఉద్రిక్తంగా మారాయి. వేలాది మంది యువత బారికేడ్లను దాటేందుకు ప్రయత్నించగా భద్రతా సిబ్బంది అడ్డుకున్నారు.
పార్లమెంట్ సమావేశాల తొలి రోజే ఈ నిరసన చేపట్టడంతో కేంద్ర ప్రభుత్వం భారీ భద్రతా ఏర్పాట్లు చేసింది. నిషేధాజ్ఞలు అమల్లో ఉన్నప్పటికీ నిరసనకారులు పెద్ద సంఖ్యలో జంతర్మంతర్కు చేరుకోవడంతో ఉద్రిక్త పరిస్థితులు నెలకొన్నాయి. పోలీసులు ఏర్పాటు చేసిన బారికేడ్లను తొలగిస్తూ ముందుకు వెళ్లేందుకు ప్రయత్నించడంతో పలుచోట్ల తోపులాట జరిగింది. పరిస్థితి అదుపు తప్పుతుండటంతో టియర్ గ్యాస్ ప్రయోగించి, లాఠీలతో చెదరగొట్టారు.
భారీ భద్రత..
పార్లమెంట్, రాష్ట్రపతి భవన్, ఇండియా గేట్, కానాట్ ప్లేస్ పరిసర ప్రాంతాలను పోలీసులు దాదాపు దిగ్బంధించారు. ర్యాపిడ్ యాక్షన్ ఫోర్స్తో పాటు అదనపు బలగాలను మోహరించారు. ఐదు కీలక మెట్రో స్టేషన్లను తాత్కాలికంగా మూసివేయగా, సెంట్రల్ ఢిల్లీలోని పలు రహదారులపై ట్రాఫిక్ ఆంక్షలు అమలు చేశారు. దీంతో వేలాది మంది ప్రయాణికులు తీవ్ర ఇబ్బందులు ఎదుర్కొన్నారు.
నిరసనలకు కారణమేంటి?
పోటీ పరీక్షల్లో వరుసగా వెలుగుచూస్తున్న ప్రశ్నాపత్రాల లీకులు, నియామకాల్లో జాప్యం, విద్యా వ్యవస్థలో పారదర్శకత లేకపోవడంపై యువత తీవ్ర అసంతృప్తి వ్యక్తం చేస్తోంది. విద్యాశాఖ మంత్రి ధర్మేంద్ర ప్రధాన్ రాజీనామా చేయాలని, పరీక్షల నిర్వహణలో సమూల సంస్కరణలు తీసుకురావాలని నిరసనకారులు డిమాండ్ చేశారు.
గాయాలు.. ఆరోపణలు
లాఠీచార్జ్లో పలువురు నిరసనకారులు, పోలీసు సిబ్బంది గాయపడినట్లు సమాచారం. మరోవైపు నిరసనకారులపై అధిక బలప్రయోగం జరిగిందని ప్రతిపక్షాలు ఆరోపించగా, తమపై రాళ్లదాడి జరగడంతో పరిస్థితిని అదుపులోకి తీసుకురావాల్సి వచ్చిందని ఢిల్లీ పోలీసులు వివరణ ఇచ్చారు. సోషల్ మీడియాలో వైరల్ అవుతున్న కొన్ని దాడి ఆరోపణలను పోలీసులు ఖండించారు.
చర్చలకు కేంద్రం సిద్ధం
ఉద్రిక్తని నేతలు చెబుతున్నప్పటికీ, తమ ప్రధాన డిమాండ్లు నెరవేరే వరకు ఆందోళనలు కొనసాగుతాయని స్పష్టం చేశారు.
దేశవ్యాప్తంగా చర్చ
ఢిల్లీలో జరిగిన ఈ ఘటన దేశవ్యాప్తంగా చర్చకు దారితీసింది. పార్లమెంట్ సమావేశాలు ప్రారంభమై పరిస్థితుల మధ్య కేంద్ర ప్రభుత్వం చర్చలకు ముందుకొచ్చింది. కేంద్ర మంత్రి జె.పి. నడ్డాతో ఉద్యమ ప్రతినిధులు సమావేశమయ్యారు. చర్చలు సానుకూలంగా జరిగాయన రోజే రాజధాని వీధులు నిరసనలతో మార్మోగడం, టియర్ గ్యాస్, లాఠీచార్జ్ దృశ్యాలు సోషల్ మీడియాలో వైరల్ కావడంతో కేంద్ర ప్రభుత్వ వైఖరిపై విస్తృత చర్చ జరుగుతోంది. యువత ఆందోళనలను ఎలా పరిష్కరిస్తారన్నది ఇప్పుడు కీలక ప్రశ్నగా మారింది.
300×250
Google AdSense